Асноўная ўвага на канферэнцыі ўдзялялася перакладам твораў нашага земляка, які пісаў па-польску. Гуртавала перакладчыкаў Руслана Гусева. Досведам перакладу вершаў  падзяліліся бацька і сын Бензерукі з Жабінкі. Упершыню агучыў свой падрыхтаваны да друку пераклад  паэмы “Вёска”  паэт-пчаляр  Мікола Папека, які жыве на Пружаншчыне непадалёку ад былога маёнтка Крашэўскіх у Доўгім. Аздобленая мастацкімі і музейнымі знаходкамі, паэма да дня юбілею мае выйсці асобнай кніжкай.

Акцэнтам канферэнцыі быў выступ дырэктаркі музея Крашэўскага ў Раманове Ганны Пшободзіньскай-Пшэслаўскай.  А брэстаўчанін Аляксандр Трэбухоўскі зладзіў выставу польскамоўных і перакладных кніг Крашэўскага  з хатняй бібліятэкі. Напрыканцы тэатралы з Інстытута Трэцяга ўзросту паказалі сцэнку паводле аднаго з твораў юбіляра.

Канферэнцыю ладзілі польскія грамадскія арганізацыі.