На пасяджэнні сярод іншых абмяркоўвалася пытанне накіравання на разгляд навукова-метадычнай рады Міністэрства культуры альтэрнатыўнага праекту рэстаўрацыі ансамбля будынкаў па вуліцы Савецкай, 43-45. З гэтай мэтай Мінск наведалі сябра камісіі Ірына Лаўроўская, прадстаўнік інвестара Уладзіслаў Абрамовіч і аўтар праекта Аляксандр Жаркоў. Яны прадставілі аргументы аб прыналежнасці гэтых будынкаў да гісторыка-культурных каштоўнасцей і абмалявалі сучасную ўрбаністычную сітуацыю, якая склалася ў сувязі з невыкананнем заканадаўства ў галіне захавання помнікаў, а таксама парушэннем горадабудаўнічых норм.

Альтэрнатыўны праект рэстаўрацыі будынкаў на Савецкай прапануецца замест праекта адміністратыўна-гасцінічнага комплекса “Дэвэлапмэнт”, які, на думку архітэктараў, парушыць планіровачную структуру гістарычнага цэнтра горада.

Па выніках разгляду прынята рашэнне накіраваць праект Жаркова на разгляд навукова-метадычнай рады.

 Служба навін “БК”