Вось што сказаў сам Уладзімір Малей :

–       Марафон штогод праводзіцца на Дзень горада. Таксама гэта час мясцовых Дажынак. Марафон папулярны, збірае сотні стаераў з краіны і з замежжа. Прыкладам, сёлета прыехаў бягун з Казахстана.

Я ужо другі год праяўляю салідарнасць са зняволеным кіраўніком праваабарончага Цэнтра “Вясна” Алесем Бяляцкім. Раней, калі знаходзіўся ў турме былы кандыдат у прэзідэнты Андрэй Саннікаў, бегаў у футболцы з ягоным партрэтам, а калі яго выпусцілі, дабіваюся пашырэння інфармацыі пра несправядлівае зняволенне Бяляцкага. Бо ён тыя грошы не сабе браў, а аддаваў семьям ахвяраў палітычных рэпрэсій.

cms-image-000008226.jpg

Нагадаем, Алесь Бяляцкі адбывае тэрмін у 4 з паловай гады калоніі узмоцненага рэжыму  за нібыта нясплачаныя падаткі з прыбыткаў, якімі суд палічыў  гранты, вылучаныя фондамі розных краін на дапамогу рэпрэсаваным у Беларусі. Нядаўна Алесь Бяляцкі стаў лаўрэатам чэшскай праваабарончай прэміі імя Вацлава Гавэла.

У Маларыце партрэтам на грудзях Уладзіміра Малея праваахоўнікі ні на старце, ні на фінішы не цікавіліся. Былы маёр ракетных войскаў стратэгічнага прызначэння, а на сёння прававы інспектар прафсаюза РЭП  прабег у сваёй узроставай групе на “бронзу”. Віншуем!

cms-image-000008227.jpg

Фота: На дыстанцыі Уладзімір Малей.